بێژەی “سپاس” ڕاستترە. ئەم وشەیە لە زمانی فارسی و ئەرمەنیدا هەر بە “سپاس” بەکار دەهێنرێت، لە ڕووسیدا دەڵێن “سپاسیبا”. لە زمانی پاڵەییشدا هەر لە کۆنەوە “سپاس” بووە، بە کرمانجییش دەوترێت “سپاس sipas” و لە ڕۆژهەڵاتیش هەر دەوترێت “سپاس”.
بێژەی ئەم وشەیە لە باشوور گۆڕاوە بۆ “سوپاس”، لە زۆربەی نووسینەکان و دەقە ئەدەبییەکانیشدا کە لە باشوور نووسراون یان دەنووسرێن هەر بە شێوەی “سوپاس” بەکار هێنراوە یان بەکار دەهێنرێت و زیاتر لە زمانی ئەدەبیدا جێ کەوتووە.
گۆڕانی دەنگی وشە لەناو زمانێکدا لە ناوچەیەکەوە بۆ ناوچەیەک یان لە پارچەیەکەوە بۆ پارچەیەکی تر شتێکی نامۆ نییە و زۆر ڕووی داوە، نموونە:
شەمەنەفەر، شەمەندەفەر، ماشین، ماشێن، پەنج، پێنج. شانزە، شازدە. دووکەڵ، دووکەر. تلیزوون، تەلەفزیۆن. تاران، تەیران، بەغا، بەغداد. شووشە، شیشه. سپاس، سوپاس، فیلسووف، فەیلەسووف، حەوت، حەفت.
خۆم هەر دووکیان بەکار دەهێنم، بە شێوەی فەرمی و لەگەڵ باشووری دەڵێم “سوپاس” لەگەڵ ڕۆژهەڵاتی دەڵێم “سپاس”.