پاشگری “دار” لەنێوان کوردی و فارسیدا
شیکردنەوەیەک لە ڕوانگەی کوردیی خواروو
ئەم باسە دەیەوێت بگاتە ئەو ئەنجامەی کە زۆر ڕێی تێ دەچێت کە پاشگری “…دار” وەک لە “ماڵدار”، لە زاری کوردیی خواروو وەرگیرابێت. هەرچەند ئەم پاشگرە لە زمانی فارسییشدا هەیە.
پاشگری “دار” کە لە زۆربەی زاراوەکانی کوردی و فارسیدا دەبینرێت، مشتومڕی زۆری لەسەرە. هەندێک توێژەر بەبێ لێکۆڵینەوەی ورد، ڕاستەوخۆ دەیبەستنەوە بە چاوگی “داشتن”ی فارسی. بەڵام ئەم بۆچوونە پێویستی بە هەڵوەستە لەسەرکردنە، بەتایبەت کاتێک سەرنج دەدەینە سیستەمی ڕێزمانی لە کوردیی خواروودا.
١. چاوگی “داشتن” بە واتای “هەبوون” بەکار دێت، وەک لەم نموونەیەدا:
– کوردیی خواروو: “ئیمە چوار ئەسپ داشتیم”
– کوردیی ناوەڕاست: “ئێمە چوار ئەسپمان هەبوو”
٢. گەردانی ئەم چاوگە لە کات و کەسە جیاوازەکاندا بەم شێوەیەیە:
گرنگترین خاڵ لێرەدا فۆرمی “دیرم”ە کە لە ڕانەبردوودا بەکار دێت. ئەم فۆرمە لە ڕووی دەنگسازییەوە زۆر نزیکە لە “دارم”. دەکرێت “دیرم” هەر “دیرم” بووبێت. دەشکرێت “دارم، نەک: دارەم” بووبێت، دواتر بە ڕێگەی پرۆسەی گۆڕانی دەنگەوە (سووان یان گۆڕینی دەنگ) “دارم” گۆڕابێت بۆ “دیرم”.
١. پاشگری “دار” دەکرێت ڕیشەیەکی هاوبەشی هەبێت لەگەڵ سیستەمی “داشتن/دیرم” لە کوردیی خواروودا
٢. بوونی ئەم پاشگرە لە فارسیدا ناتوانێت بە تەنیا بەڵگە بێت بۆ فارسیبوونی
٣. پێویستە وەک دیاردەیەکی هاوبەشی زمانە ئێرانییەکان سەیری بکرێت، نەک وەک وەرگرتنێک لە زمانێکەوە بۆ زمانێکی تر
ئەم شیکردنەوەیە، بە پشتیوانیی نموونە ڕاستەوخۆکان لە کوردیی خواروو، دەریدەخات کە چەند گرنگە پێش دەرهاویشتنی ئەنجام، سەرنج بدرێتە هەموو لایەنەکانی پرسە زمانەوانییەکان، بە تایبەت کاتێک باس لە زمانە خزمەکان دەکرێت.
دەرەنجام:
دەرەنجامی ئەم باسە دەیەوێت بگاتە ئەو ئەنجامەی کە زۆر ڕێی تێ دەچێت کە پاشگری دار لە زاری کوردیی خواروو وەرگیرابێت. هەرچەند ئەم پاشگرە لە زمانی فارسییشدا هەیە.