خامنەیی؛ ڕوخساری ستەم و سەرکوت لە ئێراندا

خامنەیی، ڕێبەری کۆماری ئیسلامیی ئێران، ڕەمزی دڕندەیی، گەندەڵی و زۆرداریی چل ساڵی ڕابردووە. ئەو کە بە دەستی خۆی سیستەمێکی سەرکوتکەر و کۆنی بنیات ناوە، ڕاستەوخۆ بەرپرسیارە لە هەزاران لەسێدارەدان و زیندانیکردن و ئەشکەنجەدان لە سەرتاسەری ئێراندا. هەر دەنگێکی ئۆپۆزسیۆن، هەموو بزووتنەوەیەکی ئازادیخواز، هەموو ناڕەزایەتییەکی جەماوەری لەژێر فەرمان و چاودێریی ئەودا سەرکوت کراوە.
خامنەیی نەک هەر دەسەڵاتی بە دەستەوەیە، بەڵکوو هەموو میکانیزمەکانی سیستمی خستووەتە خزمەتی خۆیەوە: دەزگای دادوەری، سپای پاسداران، وەزارەتی ئیتلاعات و میدیای دەوڵەتی، کە هەموو ئەمانە ئامرازی چەسپاندنی ستەمکاری و سەرکوتکردنی خەڵکن. ژنان، گەنجان، چالاکانی سیاسی و هونەرمەندان ساڵانێکە لە زیندانەکاندا ئەشکەنجە دەدرێن یان تەنها لەسەر تاوانی ئازادیخوازی ژیانیان لەدەست داوە.
تاوانەکانی خامنەیی تەنیا لە سەرکوتی ناوخۆییدا سنووردار نین؛ بەڵکوو ئەو بە سیاسەتەکانی، ئێرانی کردووە بە وڵاتێکی دابڕاو بەهۆی هەڕەشە بۆ سەر ناوچەکە و جیهان. پشتیوانی لە تاقمە تیرۆریستییەکان، دەستتێوەردان لە وڵاتانی دراوسێ و درێژەدان بە بەرنامەی ئەتۆمی بەبێ ڕوونکردنەوە، وای کردووە ئێران ببێتە هەڕەشە بۆ سەر ئاسایشی جیهانی.
ئابووریی ئێران لە سەردەمی خامنەیی وێران بووە. گەندەڵیی بەربڵاو، تاڵانکردنی سامانی نەتەوەیی و بێبایەخکردنی پێداویستییەکانی خەڵک، هەژاری و نەهامەتی لە کۆمەڵگەدا بڵاو کردووەتەوە. خەڵکی ئێران، لە تارانەوە تا کوردستان، لە ئەهوازەوە تا سیستان و بەلووچستان، لە ژێر دەسەڵاتی ئەودا ئازار دەچێژن و هیوایان بە داهاتوویەکی باشتر لەدەست داوە.
بەڵام ڕاستییەکە ڕوونە: هیچ دەسەڵاتێک و هیچ سەرکردەیەکی دیکتاتۆر ناتوانێت بۆ هەمیشە بەردەوام بێت. تاکە ڕێگە بۆ ڕزگارکردنی ئێران کۆتاییهێنان بە عەلی خامنەیی و ڕووخاندنی دەسەڵاتەکەیەتی. هەتا خامنەیی و دەسەڵاتە زۆردارەکەی لە دەسەڵاتدا بن، ئازادی و دادپەروەری و گەشەسەندن لە ئێراندا جێگیر نابێت.
ئێران پێویستی بە ڕزگاری هەیە. ڕزگاربوون لە ستەم و گەندەڵی و خوێنڕشتن. ڕزگاربوون لە دەستی خامنەیی و ڕژێمە دواکەوتووەکەی. تەنیا بە لەناوبردنی ئەو داهاتوویەکی گەش و ئازاد و دیمۆکراسی بۆ گەلی ئێران مسۆگەر دەبێت.

نەرگس هاشمی – سوید
2025 – 01 – 06