عەلی خامنەیی، دیکتاتۆری سەردەم
عەلی خامنەیی گەورەترین تێرۆریستی جیهانە کە لە ساڵی ١٩٨٩وە، ڕێبەری کۆماری ئیسلامیی ئیرانە. ئەو یەکێکە لەو دیکتاتۆرە خوێنڕێژانە کە ڕێبەرایەتیی ڕێژێمێکی ڕەش و سەرکوتکەر دەکا و دوور لە هەموو یاسا و ڕێسا نێودەوڵەتییەکان، مافەکانی گەلانی ئێران پێشێل دەکا.
عەلی خامنەیی، یەکێک لە ڕێبەرە دیکتاتۆر و خوێنمژەکانی سەردەمی خۆیە و هەموو کەسێک و نەتەوەیەکی لە پێناو ئایدۆلۆژیا و دەسەڵاتی خۆیدا، سەرکوت کردووە. ئەو دەسەڵاتدارێکە کە بە زمانی هەڕەشە و تۆقاندن لەگەڵ خەڵکەکەی دەدوێت.
دیکتاتۆر خامنەیی بۆ سەقامگیربوون و داسەپاندنی بیر و باوەڕ و دەسەڵاتی خۆی، بەسەر کۆمەڵگای ئێراندا، هەناسەی ئازادیخوازانی لە گەروودا قەتیس کردووە و هەزاران چالاکی سیاسی و مەدەنی و خەڵکی ناڕازیی کوشتووە و گوللـەبارانی کردووە.
یەکیک لە ئاواتە گرنگەکانی خەڵکی ئێران ئەوەیە کە، مەرگ بۆ خامنەیی دەخوازن و هاواری زۆربەی خەڵکی ئێران و بەتایبەت کوردستان، مەرگ بۆ دیکتاتۆرە، کە مەبەستیان خامنەییە و دەیانەوێت کۆتایی بە کۆمارە ئیسلامییەکەی بهێنن.
بێگومان خامنەییش وەک زۆر دیکتاتۆری سەردەم، دەسەڵاتەکەی کۆتایی پێ دێت و ڕوو بە نەمان و تێداچوونە دەڕوات.
نووسینی ئیدریس هاشمی ٢٠٢١/٨/١٩