بەرامبەر یان بەرانبەر؟

لە زمانەوانیدا بەشێکی تایبەت هەیە بە ناوی مۆرفۆلۆژی کە بەشێکی ئەو زانستە لە کەرەسە لکێنەرەکان و پێشگر، پاشگر و هتد دەکۆڵێتەوە.
 ناوبەند interfix” کەرەسەیەکی لکێنەرە کە دەتوانێ دوو مۆرفێم پێکەوە بلکێنێ و وشەیەکی نوێ ساز بکات. چەند ناوبەندێکی کوردی بریتین لە:

١. (بە): گوڵ بە دەم = گوڵبەدەم
٢. (ەو): شار ەو شار = شارەوشار
٣. (ە): گوڵ ە باخ = گوڵەباخ
٤. (و): لەرز و تا = لەرزوتا
٥. (او): ڕەنگ او ڕەنگ = ڕەنگاوڕەنگ
٦. (ان): سەر ان سەر = سەرانسەر، لێو ان لێو = لێوانلێو، شەق ان شەق = شەقانشەق
قەت نەمانبیستووە بوترێت سەرامسەر، بەڵکوو وتراو سەرانسەر، کە وا بێت بەپێی ئەوانە و بەپێی ئەدەبیاتی کۆنی کوردی، (بەر ان بەر = بەرانبەر) دروستە و نەک (بەر ام بەر = بەرامبەر)، بۆیە دەبێ لە بەکارهێنانی (بەرامبەر) واز بهێنین و لەسەر بنەمای مۆرفۆلۆژیی کوردی کەڵک لە ناوبەندی ان… وەرگرین و بڵێین: بەرانبەر.

فێرگەی زمانی کوردی، دیاکۆ هاشمی” لە تێلێگرام Telegram: